I zè un dolse tipico de Padova. O forse de Venessia? Boh!Anca se so' un'Anticuoca, co' zé dicembre, me meto ai fornei (spenti), e poi vado tore i zaeti in pastiseria. Ehehheh!Metì l'uveta drento l'aqua tiepida par sirca un'ora. Suea tavola on fià de farina bianca e on fià de quea da poenta. Cuanta? Che ne so, fasì vojaltri.Ciapè del buro fuso e ancora caldo (stasì tenti de no scotarve; a mì me zé capità); buteghelo drento co' el sucaro, sae e vaniglina. El sae un pissico, me racomando, che no vè fasì tore daea creatività! Se ve ricordì, andè tore ea uveta, che ormai ea sarà sgionfa de acua; metivela ne l'impasto, co' on fià de pinoli, scorsa de limon (anca se no ea zè biologica no importa, tanto ve garantisso che cuesti zaeti no i magnarà nissuni). Sbatè co' forsa, come se ve catasse davanti a vostra suocera. Se ea pasta ea zè tosta, metive on fià de late.Ciapè da ea pasta dee baote grandi o picoe no importa; schicee co' e man, e poi metile nel forno.Me racomando:questa ea xe na manovra inportante e pina de responsabilità, se no col casso che magnarè i zaeti.mentre che i zaeti i cose, andè a farve on gireto da qualche parte. Co' sarè tornai a casa, se no catarè i vigili del fogo, i casi sarà do:1) Bota de cueo2) Ve sì desmentagà de impissare el fogo. Tanti cari saludi da l'Anticuoca